«Тәжді» вирус жоғалсын!
Тілектеспіз соған шын.
Жеңе алмасақ бұл дертті
Зор ерлікке болар сын.
 
Дәрігерлер ем тауып
Мол алғысқа орансын.
Батыр болса егерде
Дәл солардай боп алсын.
 
Мамыражай күндерге
Халқым қайта оралсын.
Басын қосып, жиналып
Амандасып, қол алсын.
 
Қайырмасы:
 
«Тәжді» вирус, қайдансың?
Берекесіз, ойрансың!
Бейқам жатқан әлемге
Қанатты кең жайғансың.
 
Дауа таппай өзіңе
Күллі адамзат қайран шын.
Қатері мол тәжіңмен
Жолың мәңгі байлансын!
 
Бұл сынақтың арты тек
Жақсылыққа айналсын,
Үрейленген халықтың
Көңілі бір жайлансын!
 
Қайырмасы:
 
Бәріміз де біргеміз
Сөгілмесін іргеміз
«Әлем аман болсын!» деп
Күресеміз күнде біз!