Ұлттық мектеп лигасы: жерлестеріміз - екінші орында

Елордада футзалдан 9-11 сыныптар арасындағы «Теңбіл доп» жарысының жеңімпаздары анықталды. Жарысқа 16 команданы құрайтын 200-дей оқушы қатысты.
Ұлттық мектеп лигасы аясында өткен жарыста бірінші орынды Қостанай облысының Қарасу ауданынан қатысқан мектеп құрамасы иеленді. Екінші орынға Қызылорда облысы, Сырдария ауданы, Тереңөзек кентінің №131 орта мектебінің құрамасы лайық деп танылды. Үшінші орын Батыс Қазақстан облысы, Жаңақала ауданының жалпы білім беретін орта мектебінің құрамасына бұйырды.
Сонымен қатар, Қызылорда облысынан бақ сынаған Ұлықбек Жомартов «Үздік қақпашы» номинациясының иегері атанды.