Қызылорда облысы "қызыл" аймаққа қайта ауысты

Өткен тәулікте COVID-19 жұқтырудың 82 дерегі анықталды. Қызылорда облысы эпидемиологиялық ахуалды бағалау матрицасында 26 сәуір күні “сары” аймақтан “қызыл” аймаққа қайта ауысты, деп хабарлайды облыс әкімінің баспасөз қызметі.

Матрицадағы ахуал COVID-19 вирусы бойынша репродуктивтік көрсеткіші немесе инфекция жұқтырғандардан байланысатын адамға берілу санына және

100 мың тұрғынға шаққандағы соңғы 7 күндегі аурушаңдыққа байланысты өзгеріп отырады.

Облыстағы әлеуметтік-экономикалық нысандардың жұмысы облыстың Бас мемсандәрігерінің қолданыстағы #8,9 Қаулыларына сәйкес жүзеге асырылады.

Коронавирус инфекциясы бойынша облыстағы эпидахуал әлі де тұрақсыз деп бағаланады. Сондықтан сақтық шараларына салғырт қарамауды сұраймыз.

Қауіпсіздік ережелері:

Бетперделік режим

Әлеуметтік арақашықтық

Қолды сабынмен жиі жуу

Антисептик пайдалану

Ауру белгілері байқалған сәттен медициналық көмекке жүгіну

Вакцина қабылдау

Көпшілік жиналатын жерге баруды шектеу