Қазақстандық ұстаз «Әлем мұғалімі» сыйлығына ұсынылды

Семей қаласының орыс тілі мұғалімі еліміздің үздік 10 ұстазының қатарына еніп, «Әлем мұғалімі» сыйлығына ұсынылды.
Мейрамгүл Жанасбаева - 30 жылдық тәжірибесі бар жоғары категориялы педагог. Ол экологиялық оқу пәндерін біріктіретін бағдарламаны жасап шығарған. Дәл осы ұстаздың арқасында оқу орны «Ең үздік экомектеп» атағына ие болған. Ал былтыр оған «Қазақстан мұғалімі-2020» ұлттық сыйлығы табысталған. Егер халықаралық жарыстың жеңімпазы атанса педагог миллион доллар көлемінде сыйақы алады.

- «Қазақстан мұғалімі» мен «Әлем мұғалімі» байқауларының басты бағыттарының бірі – педагог мәртебесін көтеру. Бұл мәртебе, бұл жетістіктер менің жалғыз өзімнің емес, бүкіл мектеп ұжымы еңбегінің нәтижесі, - дейді М.Жанасбаева.

974