Колледжіміздің мамырдағы туған күн иелерін құттықтаймыз!

1 мамыр – Мейрамбек ЕРЕКЕНОВ, қарауыл

Мінезі байсалды, миықтан күледі,
Ең қиын істе де сабырлы жүреді.
Йодтай тотығып
Реңі,
Атқарар жұмысын біледі.
Мамырдың бірінде туған соң,
Бірлік пен ынтымақ – тілегі.
Ерлердің еңбегі еленсін
Күніміз жарқырап үнемі!

4 мамыр – Айбек ҚАДЫР, өндірістік шебер

Айран мен
Йогурт қорегі,
Бойында бар біраз өнері.
Еліне елеулі азамат,
Көп нәрсе қолынан келеді.

6 мамыр – Мир ДЖУСУПОВ, арнайы пән оқытушысы

Мейірімді әке болған, мейірімді ағай да,
Игілігін білімінің үлгі қылған талайға.
Рахатын көрсе екен еңбегінің қалайда!

7 мамыр – Нұргүл ИБРАГИМОВА, математика пәні оқытушысы

Нақтылық пен
Ұқыптылыққа үндеген,
Реңі бар розадай
Гүлдеген.
Үлде менен бүлдеге орап қоюға
Лайықты жанның бірі бұл деген!

9 мамыр - Қарлығаш ЗӘРІПОВА, кіші қызметкер

Қарапайым қалпы бар,

Алтындай бірақ жарқырар,

Ретін білер әр істің

Лайықты нарқы бар.

Ыждахат қылсаң мақсатпен

Ғарышқа қиял артылар.

Армандар лайым орындалса,

Шалқыған көңілге бал тұнар.

10 мамыр – Жәнібек ИСАЕВ, директор

Журналистігі
Әрдайым биік тұрады,
Нақтылық – оның ұраны.
Іскерлігіне тиянақтылығы қосылып,
Биіктей берсін тұрағы менен мұрады.
Ер аман болса тізгінін көштің ұстаған
Колледжіміз белестерге әлі шығады!

12 мамыр - Нұрханым БЕКСЕИТОВА, кіші қызметкер

Немқұрайды қарамайтын ісіне,
Ұқыптылық жарасады кісіге.
Реніш те, өкпе де артып көрмейтін,
Халыққа да, үлкенге де, кішіге.
Айрандайын отбасын да ұйытқан,
Не істесе де жымияды миықтан.
Ықыласпен құттықтайды ұжымың
Мерейіңді дәл осындай жиі ұққан.

15 мамыр – Мақпал МАХАНБЕТОВА, қаржы және экономика пәні оқытушысы
Мақпал десе, мінезі бар мақпалдай,
Анасы оны мақпалға орап тапқандай.
Қабақ шытқан кезін әсте көрмедік,
Періште кеп жүзіне нұр таққандай.
Айналайын, құтты болсын туған күн,
Лебізіміз айтылады тоқталмай!

25 мамыр – Назерке ЖАҚСЫҒҰЛОВА, өзін-өзі тану пәні оқытушысы
Назданса еркелей жүзінен нұр тамар,
Аздан соң бәлкім ол борандай бұрқанар...
Зәредей дағы жоқ алайда көңілде,
Ешқашан жан емес күмәнмен қымтанар.
Ризамын қобызын қолына ап
Күй тартса,
Ех, шіркін, мейірің бір қанар!

383