Қыркүйектегі туған күн иелерін құттықтаймыз!

21 қыркүйек
Айнұр МЫҢЖАСАРОВА, оқытушы

Тастан ауыр мінезінің салмағы,
Шыңнан биік талғамы.
Айнымайды қарапайым қалпынан,
Жақсыларға толы болсын жан-жағы.

Негізі бар ғой: бұл кісі –
Тиянақтылықтың үлгісі.
...Кімнің ұзақ жасағысы келмейді,
Кімнің келмес бақытты өмір сүргісі?

Ал бақыттан не бар дейсің құнды аса?
Адам ұзақ жасай да алар шындаса.
Екеуін де Айнұр апайға тіледік:
Мыңжасарова, мың жаса!

21 қыркүйек
Алтынай АЛМАХАНОВА, есепші

Дауысы шығып күнде өктем,
Жарылқардай боп «льгодпен»,
Есепші деген өзінше болып жүруші ед(і)
Қарапайым жан бұл неткен?

Жанында, қайта, қарапайымдар «өзінше»,
Айлығыңды да есептеп берер көзіңше.
Есептерінен қалады ма екен жаңылып,
Алтынай апай «бұғалтірлігін» сезінсе.

Ақжарма тілек – дауасыз уақытқа бұл да емшің.
Алтынай апай ұрпағыменен гүлденсін.
Айлығымыздың көптігі сонша, шатасып,
Миллиондап алар күн келсін!

26 қыркүйек
Нағима ИМБЕТОВА, кітапханашы

Қалжыңдасып үлкенмен де, кішімен,
Танытатын жылы шырай, түс, рең.
Жұрттың онда шаруасы көп шығар,
Бірақ оның шаруасы жоқ кісімен.

Байқалса егер керенаулық сұрқаны,
Шығар оның сонда талқан-бұлқаны.
Айтар сөзін орағытпай тура айтар,
Жалаңтөстің, Әйтекенің ұрпағы!

381