Стартта – педагогтар (СУРЕТТЕР)

Ұстаздар күні мерекесіне орай дене тәрбиесі пәнінің оқытушыларының ұйымдастыруымен М.Ералиева атындағы қалалық мәдениет Үйінің ауласында орналасқан спорт алаңында колледжіміздің оқытушылары арасында «Көңілді эстафета» сайысы өтті. Колледж мұғалімдері «Қыран» және «Сұңқар» деп аталатын екі топқа бөлініп, өзара мықтыны анықтады.
Шара барысында ұстаздар түрлі кедергілер арқылы жүгіріп, кей сәттерде жылдам есеп те шығарып, бәсеке көрігін қыздырды. Эстафетада «Қыран» тобы сәл басымдыққа ие болғанымен, арқан тартыс сайысында «сұңқарлықтар» дес бермеді. Қорытындыда екі топ та тең түскендіктен, жарыс төрешілері қосымша тағы бір жарыс түрінен сынға түсуді ұсынып, нәтижесінде «Қыран» жеңіске жетті.