Даңқты спортшыдан мұражайға тарту

Бүгін Қызылордада облыстық тарихи-өлкетану музейде спорт мектебінің оқушылары, ата-аналары, музей және облыстық дене тәрбиесі және спорт басқармасының өкілдерінің қатысуымен танымал спортшы, мәнерлеп сырғанаудың жарық жұлдызы, 2019 жылғы әлемнің вице-чемпионы Элизабет Тұрсынбаевамен кездесу өтті.

Әсерлі өткен спорт-ревю аясында музей қорына Элизабет өзінің жеке заттарын, атап айтқанда әлем чемпионатында қатысқан конькиін, қысқа бағдарламасының киген спорттық киімін, архивтік материалдарын, жүлделерін, кубоктарын сыйлады.

Мұражай директоры Сапар Көзейбаев талантты спортшыны алғыс хатпен марапаттап, жылы лебіздерімен бөлісіп, оның бапкерлік жұмысына табыс тіледі.