ЫНТЫМАҒЫ ЖАРАСҚАН

1 мамыр - Қазақстан халқының бірлігі күні. Жүзден астам ұлт пен ұлысты ұйыстырған ынтымақ-бірлігіміздің мерекесі. Осы күні Қазақ еліндегі барша халық шат-шадыман қуанып, қол ұстаса шаттанып мерекелейді. Осынау ұлы мерекені ұлықтауға Текей батыр Қарпықұлы атындағы жоғары колледжіміз де жыл сайын өз үлесін қосады.

Тж-21-9 оқу тобында 1 мамыр - Қазақстан халықтарының бірлік, ынтымақ күніне орай ұйымдастырылған «Ынтымағы жарасқан туған өлкем» деген тақырыпта ашық тәрбие сағаты болып өтті. Мақсаты: ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау.

Қалманова Гүлзия жетекшілік ететін оқу тобы сабаққа қойылған мақсат үдесінен шыға білді десе болғандай. Татулықтың жаршысындай жалындаған жырлар да оқылды, сан түрлі ұлттардың әні мен биі де ұсынылды. Сабаққа қатысқан қонақтармен түрлі тапқырлық ойындар ойнатылып, байтақ елімізді мекендеген ұлт пен ұлыстардың дәстүр-ғұрыптары дәріптелді.