ҰШҚЫР ОЙ АЛАҢЫ

Ағымдағы жылдың 4 мамыры күні "Орда" колледжінің ғимаратында техникалық және кәсіптік білім беру ұйымдарының студенттері арасында "Ұшқыр ой алаңы" атты облыстық дебат турнирі өткен болатын. Турнирге Текей батыр Қарпықұлы атындағы жоғары колледжінің "DILMAR" фракциясы қатысып, 2-орыннан көрінді.

Дебат турниріне барлығы 14 колледжден 28 пікірталасшы қатысып, өз фракцияларының намыстарын қорғады. Пікірталас барысында тараптар "БП мемлекет қаржыландыратын ғарыштық бағдарламалар салық төлеушілердің ақшасын босқа жұмсау деп есептейді", "БП жоғары білімі жоқ бизнесмендердің жетістік тарихын кең насихаттауға қарсы", "БП университеттерді олардың түлектері жұмысқа тұра алмаған жағдайда түлектердің оқу үшін алған несиелерінің бір бөлігін төлеп беруге міндеттейді", "БП ата-аналардың өз балаларының әлеуметтік желілердегі парақшаларына кіру мүмкіндігі болу керек деп есептейді", "БП тұрмыстық зорлық-зомбылық бойынша істерде жәбірленушіге арызды қайтарып алуға тыйым салады", "БП абитуриенттерді университетке тек қана тестілеу (ҰБТ, ЕГЭ, SAT және т.б.) негізінде кабылдау нысанын қолдайды", "БП консьюмеризмді қолдайды. Инфослайд: Консьюмеризм – тауарлар мен қызметтерді көп мөлшерде тұтынуға ынталандыратын әлеуметтік немесе экономикалық түсінік", "Б.П. Функционалдық сауаттылық заман талабы д.е", және "Б.П. «NEET» санатындағы жастарды бөліп қарау дұрыс емес д.е" деген сынды қарарларды қарастырды.

Нұрай НҰРЛЫБЕКҚЫЗЫ: - Бұл мен қатысып тұрған ауқымды дебаттардың бірі. Бірақ осы жолы асқан дайындықпен, үлкен үмітпен барған болатынмын. Яғни алдыңғы жолғы дебаттан кейін, тәжірибем әлде қайда артты. Енді осы додада алған өз әсеріммен бөліссем: ең біріншіден мен көптеген жаңа ақпарат алдым және жаңа достар таптым. Ойында қарсылас болсақ та, өмірде дос болып қалдық. Ал екіншіден дебат барысында көптеген қызықты жайттар болды. Мысалы жанымдағы спикерім Мейржан бір сұрақ қойып, қарсыластарымызды жеңіп кеткен жағдай орын алды.

500