ДЕБАТ: "ЖАС ОТАН" КУБОГЫ

Бүгін Қорқыт Ата атындағы Қызылорда мемлекеттік университетінің 1-оқу ғимаратында "AMANAT" партиясының қолдауымен, партия жанындағы "JAS OTAN" ЖҚ өңірлік филиалының ұйымдастыруымен облыстық пікірсайыс турнирі өтті. ЖОО мен колледж студенттері арасында "AMANAT" партиясының ауыспалы кубогыне арналған ХХ Республикалық пікірсайыс турниріне жолдама үшін облыстық іріктеу ретінде өткізілген турнирге барлығы алты фракция қатысып, жолдама иесін анықтады.

Аталмыш пікірсайыс додасына колледжіміздің "DILMAR" фракциясынан Нұрай НҰРЛЫБЕКҚЫЗЫ мен Мейіржан ТЕМІРБЕК қатысып, дебат алаңында бақтарын сынады. Нәтижесінде біздің фракцияның спикері Нұрай НҰРЛЫБЕКҚЫЗЫ "Үздік спикер" номинацияымен марапатталды.