Текей батыр Қарпықұлы атындағы жоғары колледжінде    2023 жылдың  02 қараша  күні   «Алтын күз- 2023» тақырыбында  мерекелік  кеші  өтті.  Іс-шара мақсаты: күз мезгілінің ерекшелігін ескере отырып, өскелең ұрпақтың  эстетикалық талғамын қалыптастырып, әсемдікке, сұлулыққа баулу, шығармашылық қабілеттері  мен ой  ұшқырлығын дамыту, оқушылардың қоғамдық өмірге, мәдени – көпшілік шараларға белсенді қатысуына ықпал ету, бос уақытын тиімді ұйымдастыру.  Сайысқа түскен жұптар көрермендерді әр кезеңге өз ерекшеліктерімен дайындалып, креативті шоуларымен таң қалдырды.
       Сайыс  мына  төменде  көрсетілгендей  шарттар  бойынша  ұйымдастырылды:
1. Өзін-өзі  таныстыру. Бұл  кезеңде қатысушы  жұптар  өздерін  түрлі  әдістермен  таныстырды.
2. Дарындылық шоуы. Бұл  кезеңде қатысушы  жұптар  өздерінің қабілеттерін  жан- жақты   көрсетті. (Ән, би, көркем сөз оқу, авторлық шығарма оқу т.с.с.)
3. Сән үлгісі. Барлық турда да қатысушылар фантазиялары бойынша басқа да группалас достарын екінші планға массовка ретінде пайдалануларына болады.
4.     Күз кереметі (дәнді-дақылдардан, көкөністерден жасалған қолөнерлер түрі)          Сайыс  соңында  қазылар  алқасы  өнер көрсеткен қатысушы  жұптарға өз бағаларын беріп,  жеңімпаздарға жүлделі  орындар  мен   белсенділігі бойынша мақтау қағаздарын табыс етті.
Сайыс  нәтижесінде:
• Бас жүлдені   ТЖ-23-9/3 оқу тобынан Сайпырханов Әділет – Алтынбекова Наргиз ;
• І орын   ТЖ-23-9/2 оқу тобынан Сейтов Дәулет – Абдуали Асылжан;
• ІІ орын ТЖ-23-9/1 оқу тобынан Жолман Думан- Досқабылова Мая
• ІІІ орын Т-23-9 оқу тобынан Алипбай Нұрдаулет – Досхожаева Алина марапатталды.
Қалған қатысушы топтар белсене қатысқаны үшін алғыс хатымен, сонымен қатар бағалы сыйлықтармен марапатталды. Күзгі балл мерекесі ұстаздар мен оқушыларға жақсы көңіл күй сыйлады. Ұйымдастырушы: Құдайберген Э.Ж