Бүгін Қызылордада облыстық «Дарын» білім беру орталығында техникалық және кәсіптік білім беру ұйымдарының арасында «Тіл және жастар» тақырыбындағы аймақтық дебат турнирі өтті.

Тартысты пікірсайыстардың нәтижесінде Текей батыр Қарпықұлы атындағы жоғары колледжінің студенттері, «DILMAR» клубының мүшелері Нұрай Нұрлыбекқызы мен Назерке Жанасбаева топ жарып, бірінші орынды иеленді.

Екінші және үшінші орындарды сәйкесінше «Болашақ» жоғары колледжі мен М.Мәметова атындағы Қызылорда педагогикалық жоғары колледжінің студенттері иеленді.

«DILMAR» клубының жетекшісі Ғабит Кәдірбай атап өткендей, пікірсайыс ресми түрде ойды дәлелді жеткізудің ең жүйелі жолы. Қарсыластармен пікір алмасу тың ақпарат алып, дүниетанымды кеңейтіп қана қоймай, жасөспірімдерге жаңа достар сыйлайды.