Облыстық білім басқармасының басшысы Асқарбек Есжановтың Құрбан айт мерекесімен құттықтауы

Қадірлі жерлестер! Ардақты ағайын!
Сіздерді күллі мұсылман қауымы үшін қастерлі Құрбан айт мерекесімен шын жүректен құттықтаймын!
Құрбан айт - қайырымдылық пен жанашырлық, ізгілік пен имандылық сияқты асыл қасиеттерді дәріптейтін ұлық мейрам.
Салт-дәстүрімізбен берік ұштасқан ата дініміз – елдің рухани тұтастығын сақтауға ықпал ететін басты құндылықтың бірі.
Құрбан айт қашанда барша жұртты береке-бірлікке бастайды. Баршаны бауырмалдыққа шақырып, халқымыздың ырыс-ынтымағын арттырады.
Иісі мұсылман қауым бұл күндері отбасы амандығы мен ел тыныштығы үшін құрбандық шалып, жоқ-жітікке көмек көрсетіп, мұқтаж жандарға қамқорлық танытады. Ізгі ниет пен сауапты істері қатар тоғысқан ел-жұрттың бір-бірімен етене араласуына, өзара сыйластық пен жақсылыққа жол ашады.
Ұлттық құндылықтарымызбен үндескен Құрбан айт мерекесі құтты болсын!
Шалған құрбандықтарыңыз, дұға-тілектеріңіз қабыл болсын!
Айттан айтқа аман-есен жете берейік!

218