Әріптесімізді құттықтаймыз!

Колледжіміздің арнайы пән оқытушысы, техника ғылымдарының кандидаты Ырысбек Молдаштың атына Қазақстан Республикасының Су ресурстары және ирригация министрі Нұржан Нұржігітовтің алғыс хаты келіп түсті.

«…Су ресурстары және ирригация министрлігі жанындағы Қоғамдық кеңестің мүшесі ретінде Қазақстанның су шаруашылығы саласын дамытуға қосып жүрген үлесіңізді жоғары бағалаймыз. Сіздің табанды еңбегііңіздің арқасында елімізде су ресурстарын ұтымды пайдалану мәдениеті қалыптасып, су шаруашылығы саласын кешенді жаңғырту үдерісі ілгерілеп келеді. Сонымен қатар мемлекет пен қоғам арасындағы өзара тиімді іс-қимылдың тетіктері нығайып, ортақ мақсаттарға қол жеткізуге мүмкіндік беріп отыр» деп жазды министр жолдаған алғыс хатында.

Текей батыр Қарпықұлы атындағы жоғары колледжінің ұжымы әріптесінің қуанышын бөлісе отырып, оның еңбегіне табыс, деніне саулық, отбасына амандық, ұзақ ғұмыр тілейді!