Спорт пен бірліктің мерекесі (СУРЕТТЕР)

Колледждің қызметкерлері арасында дәстүрлі «Ұстаздар DRIVE» спартакиадасы өтті. Шараның басты мақсаты – салауатты өмір салтын насихаттау, ұжым мүшелері арасындағы ынтымақтастықты арттыру және жағымды психологиялық ахуал қалыптастыру.

Жарысқа пәндер бірлестіктерінен құралған командалар қатысып, өзара бақ сынасты. Тартысты волейбол жарысынан соң алты кезеңнен тұратын эстафеталық сайыстарға да кезек келді. Әр кезең қатысушылардан жылдамдықты, икемділікті, төзімділікті және өзара үйлесімді әрекетті талап етті. Командалар жарыс барысында жоғары белсенділік танытып, спорттық рух пен достық қарым-қатынастың үлгісін көрсетті.

Жарыс қорытындысы бойынша үздік нәтиже көрсеткен командалар дипломдар, алғыс хаттар және бағалы сыйлықтармен марапатталды.