Құрметті әріптестер! Қадірлі жерлестер!

Баршаңызды келе жатқан халқымыздың ең ұлы мейрамы, Ұлыстың ұлы күні – Наурыз мейрамымен шын жүректен құттықтаймыз!

Күллі  шығыс жұртына ортақ мереке — Наурыздың тарихы тым тереңде жатыр. Күн мен түн теңелетін, ырысы мол мереке біздің жан — дүниемізді шуаққа бөлейді, ой — ниетімізді таза арнаға бұрады. Бұл кешірім мен мейірімнің, үміт пен сенімнің, ізгілік пен түсіністіктің мерекесі. Бұл күні біз өткен жылы жасаған жұмысымызға есеп беріп, келешекке жоспар құрамыз, тәуелсіз еліміздің өркендеп, өсуі жолында жаңа бастамаларға негіз қалаймыз. Наурызда айтылған барлық тілек қабыл болады деген де наным бар.

 Амандық-саулық, ақ тілек, меймандостық, адалдық, молшылық, жалпы ұлтымызға тән тамаша салт-дәстүрімен паш етілетін Наурыз мейрамын өзіндік сән-салтанатымен, думанды тойымен, ән-жырымен қарсы алыңыздар.
 Жастарыңыз ұзақ, көңілдерініз көтеріңкі, аспандарыңыз ашық болсын. Наурыз мейрамы туған жер топырағына құт — береке әкелсін. Баршаңызға амандық, саулық, дастархандарыңызға молшылық тілейміз!

Еліміз өркен жайып, Наурыз баршамызға ынтымақ пен сәттілік алып келсін!

Ізгі ниетпен,

Текей батыр Қарпықұлы атындағы жоғары колледжінің ұжымы