Бүгін – Жоралғы күні

Үкімет бекіткен тұжырымдамаға сәйкес қазақстандықтар әз Наурыз мерекесін 10 күн тойлауға ниетті, деп хабарлаған еді. Жобада Наурыз мерекесін атап өтуге қатысты іс-шаралар 14-23 наурыз аралығында, яғни 10 күн өткізілетіні айтылған.

Сол Тұжырымдамаға сәйкес бүгін – 23 наурыз – Жоралғы күні. Бұл қазақ халқының бай дәстүрі айшықталатын күн.

Жоралғы – қазақ халқының ұлттық әдет-ғұрпындағы кәделердің бір түрі: жасы үлкен адамдарға, ағайын-туыстарға немесе сыйлы қонақтарға қалыптасқан дәстүрлерге сай көрсетілетін құрмет, берілетін сый-сияпат.

“Жоралғысыз жол болмайды” деп түсінген қазақ халқы ата-бабалар дәстүрін шамасы жеткенше орындауға тырысқан.

Қазақ өзгенің көңілін табу арқылы өзіне бақыт сыйлайтын халық. Расымен де, айналаңызға қуаныш сыйлап, көтеріңкі көңіл-күймен жаңа жылды қарсы алу түсінген адамға баға жетпес бақыт.